Call the My Arkansas HelpLine at
1-844-355-3262 or
Armej in Majel remaroṅ annõmkwoj in diwoj-deloṅ, amnak jokwe im jerbal ilo United States ekkar ṅan karõk ko iumin Compact of Free Association eo im ej juon koṇ ippen kien eo an United States. Bujen Jem-Jera in ej ikõtaan kien eo ijin an United States im jilu iian kien ko jen Pacific Island states ekoba kien eo an Republic of the Marshall Islands.
Ri-Majel ro rekar maroṅ jinoe wia aer injuren iumin Health Insurance Marketplace ilo kar iiõ eo 2014. Ekar wõr jipaṅ ko ṅan kadiklok wõnean būlāān in injuren ko aer, bõtaab rejjab kar maroṅ kõjerbal Medicaid, bareinwot rejjab kar maroṅ kõjerbal būrookram eo an Arkansas Works eo im ej ekeijel iumin Affordable Care Act.
Rimajel ro rej amnak ilo Arkansas rej koba einwot mottan edin enbwinin state in im rej mõttad im mour ilo jukjuk in pād ko kajojo remaroṅ kiõ teru ṅan injuren eo etan in AR Works (ej bojak in naaj oktak āt in ṅan ARHOME kiõ wõt) im remaroṅ kõjerbal būrookram in ṅan er make im baamle ko aer elaṅṅe ekkar wõneaer.
Ilo raan in Maaj 2, 2021, ri-Ṃajeļ ro rej jokwe ilo Arkansas rej mour iumin bujen jemjerā eo 1986 Compact of Free Association kiō remaroṅ kanne ñan injuren in taktō iumin Medicaid būrookraaṃ eo an Arkansas. Wāween am naaj teru ṅan burookraaṃ in enaaj pādpād ekkar ñan joñan armej ro rej jokwe mweo imōm, wōnean ri-mweo, im joṅan men ko mweien rimweo. Oktak in ej itok jān federal kakien eo ekar bāāj im weppān ilo kar jemlokin Tijeṃba 2020 eo.
Jaab. Wāween am naaj teru ej pādpād iion joñan wōnean ri-mweo, im joṅan an ri-mweo ṃweiie. Kwoj aikuij kanne mokta ṅan am jela kwonaaj ke teru ṅan Medicaid.
Aolep Ri-Ṃajeļ rūtto ro remaroṅ kiō kanne ṅan injuren in taktō im kōjerbal juon wōt abūlkeijen ṅan aolep ro ilo baamle eo.
Etal ṅan Access.Arkansas.gov ṅan am kōmmane juon am akkaun im kanne.
Kōjerbal online akkaun eo am ṅan:
– Kōkāāl e meļeļe ko am
– Ātet ak upload pepa ko rej menin aikuj
– Āte email eo am im bareinwōt text
– Riit e leta ko am jān DHS
– Kōkāāl e keij eo am ṅe enaaj iien kōkāāl.
Kwomaroñ loe abūlkeijen eo ijje. Jouj im kadedelok am kanne im lelok abūlkeijen eo am ñan opiij eo an Department of Human Services ilo county eo am. Errein ej Laajrak in Opiij ko an County kein im repād ilo website eo amim.
Abūlkeijen kein jenaaj loloorjake ilo iien eo emōkaj tata im emaroṅ tōprak ilowaan wōt 45 raan elikin am kar kanne. Kwonaaj loe juon leta jān kōmim enaaj iwoj ṅan atōrej eo kwar lūkit ilo abūlkeijen eo ṅan kalikar waj tōprak in injuren eo am.
Medicaid in ej jerbal ṅan kōļļāiki wōnean am lolok taktō im bukōt ājmour. Kwonaaj loe aolepen melele ko ikkijjien ta ko Medicaid ej kōļļāiki ilo client handbook eo.
Kwomaroñ kūr lok Connect Care ilo 1-800-275-1131 (TDD 1-800-285-1131). Kwomaroñ bar bok elonlok melele kōn men kein ilo website eo an Connect Care.
Ajiri in Ṃajeļ ro rej jokwe ilo Arkansas in rōkkar bwe ren kōjerbal injuren in Medicaid, ekoba ARKids im bar būrookram ko eierlok wōt, im enaaj pādpād wōt iion wōnean rimweo ekoba jete armej rej jokwe ilo mweo. Baamle ko remaroñ kanne an ajri ro nejūer injuren ilo www.access.arkansas.gov